Mach 10
20 an Gearran 2007
Tha na cuibhlichean a’ dol agus Mach Ann an Deich, no Mach 10, a’ dol na dheann gu oidhche an fhosglaidh. Tha fèis neo-fharpaiseach 2 latha An Lanntair de Dhràma Ghoirid maoinichte le Leasachadh Ro-innleachdail nan Ealan Gàidhlig (GASD) agus bidh i a’ gabhail àite bho 12 – 17 Màrt. ‘S e taghadh de dhealbh-chluichean goirid Gàidhlig a chaidh a chur a-steach dhan Lanntair aig àm na Nollaige bho sgrìobhadairean neo-dhreuchdail is proifeiseanta, a th’ anns a’ phrìomh thachartas. Tha a-nise an t-àm ann airson tòiseachadh air an obair chruaidh agus na dràmadaichean a’ dol air adhart le suidheachadh dhreuchdan, stiùireadh agus a’ ruith thairis air an seudan dràmatach.
‘S e aon de dh’amasan na pròiseict barrachd dhaoine a bhrosnachadh airson a dhol an sàs ann an dràma Ghàidhlig – a’ gabhail a-steach sgrìobhadairean, cleasaichean is luchd-èisteachd. Tha An Lanntair a’ foillseachadh nan diamhaireachdan a tha dol air cùl chùisean, le bhith a’ dèanamh aithris air na modhan-obrachaidh a’ tighinn suas gun taisbeanadh deireannach. Chaidh coimisean a thoirt dha Daibhidh Martin, aon de na sgrìobhadairean-dràma ùr, airson blog-là a sgrìobhadh mu shuidheachadh dhreuchd, mun ruith thairis is mun ullachadh cluiche a tha cudromach ann an taisbeanadh sam bith. Bidh e a’ dèanamh seo tro Myspace – an làrach-lìonraidh eadar-obrachail shòisealta.
Bidh blogs Dhaibhidh air Myspace Mach 10 agus seallaidh iad mar a ghluaiseas dealbh-chluich bhon phàipear gun stèids. Thathas an dòchas gum bi ùidh aig luchd-èisteachd ùr anns an taobh chùil seo, gu h-àraidh aig an fheadhainn bu mhiann a dhol an sàs ann an dràma Ghàidhlig san àm ri teachd. Bidh an làrach dà-chànanach ach bidh dealbhan is criomagan bhidio oirre cuideachd. Tha Daibhidh an-dràsta na sgrìobhadair-còmhnaidh aig An Lanntair, maoinichte le GASD. Tha e a’ dèanamh a chòmhnaidheachd ann an sgoil Sir E Scott sna Hearadh, ag obair le na sgoilearan fhad ‘s a tha iad a’ sgrìobhadh is a’ taisbeanadh an dealbh-chluich fhèin airson na fèise – The Hearach Factor – stèidhichte air X Factor an TBh. Tha Daibhidh cuideachd air a dhealbh-chluich fhèin a chur a-steach –anns am bi a’ phrìomh phàirt aig Donna Mhoireadan agus leis a’ chiad nochdadh mar chleasaiche bho Niall Iain Dòmhnallach, preasantair Rapail.
Bheir na blogs seallaidhean luachmhor a-steach a shaoghal na cleasachd, agus, gàire no dhà, cuideachd, thathar an dòchas. Mar a tha an fhèis fhèin a’ tighinn nas fhaisge thoiribh sùil air Myspace airson farpaisean is tairgsean sònraichte. Airson na fiosan as ùire fhaighinn, rachaibh gu http://www.myspace.com/lanntair, far am faigh daoine air a’ bhlog-là a leughadh is ìomhaighean is bhidiothan fhaicinn eadhon ged nach biodh iad clàraichte aig Myspace. Airson an fheadhainn a tha clàraichte aig Myspace, cuiribh Mach 10 a-steach mar charaid agus fo-sgrìobhaibh gun bhlog gus nach caill sibh càil!
Airson tuilleadh fiosrachaidh rachaibh gu http://www.myspace.com/lanntair no cuiribh fios gu An Lanntair air 01851 703307.
Bidh Mach ann an Deich a’ dol bho 12 – 17 Màrt. Tha tiocaidean rim faighinn bhon Lanntair agus bho www.thebooth.co.uk.
