Ro-innleachd Leasachaidh nan Ealan

Àrdachadh na h-ìomhaigh

’S e prìomh-amas a’ phrògraim:

Ìomhaigh nan ealan agus luchd-ealain Ghàidhlig a leasachadh, luchd-amhairc a mheudachadh agus taic don Ghàidhlig a leudachadh sna coimhearsnachdan.

Tha Prògram GASD air a dhealbh, leis an amas a bhith a’ leasachadh ìomhaigh nan ealan agus luchd-ealain Ghàidhlig, a’ meudachadh luchd-amhairc agus a’ leudachadh taic don Ghàidhlig sna coimhearsnachdan. Bidh Prògram GASD a’ toirt taic do leasachadh ro-innleachdail roinn nan ealan Gàidhlig gus am bi e nas comasaiche air a bhith a’ coileanadh:

• a dhleastanas cruthachail ann an neartachadh beatha na h-uile
• a dhleastanas ionnsachaidh ann am misneachadh cleachdadh a’ chànain
• a dhleastanas adhartachaidh ann an àrdachadh mothachaidh air cultar na Gàidhlig
• a dhleastanas eaconamach ann a bhith a’ toirt cosnadh do luchd-ealain agus buannachdan do choimhearsnachdan Gàidhlig.

Bidh buileachadh a’ Phrògraim a’ cuimseachadh air trì prìomh roinnean.

• Leasachadh Luchd-amhairc
• Leasachadh Sgilean
• Leasachadh Taisbeanaidh